Kasseler Gespräche

Quelle:

Kasseler Gespräche

in: Wilhelm Braune und Ernst A. Ebbinghaus,

Althochdeutsches Lesebuch, Tübingen 1968

______________________________________________________________________________

Gloss. III, 9, 17-19:

Skir min fahs.

Skir minan hals.

Skir minan part.

Gloss. III, 12, 24-66:

Sage mir uueo namun habêt desêr man.

Uuanna pist dû ?

Uuanna quimis ?

Fona uuelîheru lantskeffi sindôs ?

Foor, fôrun, farant.

Quâmut ?

Quâmum.

Uuâr uuârut ?

Uuaz sôhtut ?

Sôhtum daz uns durft uuas.

Uuaz uuârun durfti ?

Manago.

Durft ist uns dîna huldî za hapênne.

Firnimis ?

Ni ih firnimu.

Ih firnimu.

Firnâmut ?

Firnemamês.

Caputî ?

Capaot.

Ih auar capiutu.

Dû capiut anti ih tôm.

Uuanta ni tôis ?

Sô mac uuesan.

Gloss. III, 12, 67-13,11:

Spâher man. sapiens homo.

toler. stultus

Tole sint Uualhâ, spâhe sint Peigira;

luzîc ist spâhi in Uualhum,

mêra hapênt tolaheitî denne spâhi.

Stulti sunt Romani, sapienti sunt Paioari,

modica est sapientia in Romana,

plus habent stultitia quam sapientia.

Gloss. III, 13, 15-19:

Hogazi cogita

pî dih selpan de temet ipsum.

Ih hogazta ego cogitavi

simplun semper

fona mir selpemo de me ipsum.

Quelle: Kasseler Glossen, Cod. Cassell. theolog. 4° 24, fol. 17v

(Universitätsbibliothek Kassel)