Sprüche

___________________________________________________

19.

Cod. Pal. germ. 848, 420r

Universitätsbibliothek Heidelberg

Z'ahi! waz hoher tugende hat

Got dem künic gegeben

von Rome, der durch nieman lat,

er minne Got unt rehtez leben,

5

vrouwen unt wibes tugent, zuht, staeten muot, bescheidenheit.

sine vuore unt sinen rat

geliche ich schone unt eben

künik Karle[n] sunder missetat,

der nach dem rehten kunde streben,

10

Got lieb, als David unde Josias, den schande meit;

Vro, als was Judas Makkabeus kuen' als Jonathas,

kiusche als Samuel, der Gotes prophete was,

geduldik als Job,

diemuetik als Moise,

15

milt unde guot als was Jakob,

gereht gegen Got als Simeon,

stritbaer' als Jeroboam, stark als Samson,

wise als Salomon,

ein helt als Josue,

20

dem Got den sunnen hiez sten und den tron:

dise tugende alle Got hat an den künik Karlen geleit.