Sprüche

___________________________________________________

26.

Cod. Pal. germ. 848, 420v

Universitätsbibliothek Heidelberg

Schamt iuch minner orden

Iuwer flus der hat den hindergang

Iuwer orden hinkent alle

Ir tret in symonien schrang

5

Ir wiurkent froemdiu Gotes reht

Ir leret guot und minnent valsche tat

Ir sint verkoufet worden

Der kristenheit owe der not

Den wolf nemt ir ze gesellen

10

Ob er das schaf iu bringen tuot

Ir ruhet sleht und slihtet ruh

Has und nit den treit nu geislich wat

Iuwer bruederschaft sich hoenet

Klissenheit die Got verbot

15

Dú ist mit ú gekroenet

Die treit nu geislich wete

Und wiulfet us des herzen tunst

Lert úch Franciscus solhe kunst

So pfag Sant Augustin ouch selker rete.