Sprüche

___________________________________________________

27.

Cod. Pal. germ. 848, 420v

Universitätsbibliothek Heidelberg

Ich saz uf einer gruene

unt gedahte an manger hande ding,

wie ich die werlt behielte

und ouch gegen gotte icht wurde ling:

5

ich konde niht erdenken das,

das mir iht doehte uf solher hande ger.

Ich wart bloede und kuene

von gedanken, der ich vil verschriet;

von der werlte dügge

10

min kintheit mir die witze riet,

das nieman uf der eren saz kumt ane guot:

des wart min herze swere.

Ich strafte frowen eren,

ich sprach: ir sit ein kranke magt,

15

lat ir schaz verkeren.

Si süfte und sprach: du tummer,

schaz der hat mich uberwegen;

wan mag min wol mit schaze pflegen,

schaz ane tugent dest gegen mir ein kummer.