BIBLIOTHECA AUGUSTANA

 

Boppe

um 1285

 

 

Sprüche

 

___________________________________________________

 

 

 

29.

 

Cod. Pal. germ. 848, 420v

Universitätsbibliothek Heidelberg

 

 

Got vater sun mit geiste,

lob ere pris gebenedit

sist du! genade ich suoche:

der la mich, herre, sin gezwit

5

Von diner goetlichen art dur den gedank

Der din geschepfede zilte

Sus trit ich an das meiste

Von einem us einem der dritte spros

Und was niht deste iunger

10

Ein wesen durh drie vlos

Der ewig was und wart drie personen

In einer substancie ist Got hilte

Das wunder das hat krefte

Got fuor ze der helle

15

Der lip was tot und lag in grabes hefte

Und wurden doh nie gescheiden

Geflohten us geftriket in

An ende und ane beginne schin

Sus gab er die iustiu gegen iuden und gegen heiden