BIBLIOTHECA AUGUSTANA

 

Boppe

um 1285

 

 

Sprüche

 

___________________________________________________

 

 

 

30.

 

Cod. Pal. germ. 848, 420v/421r

Universitätsbibliothek Heidelberg

 

 

Eins braht ein und zwei durh eine,

mit der drie dru in ein,

und eines umbe die alle:

alda so lit ia und nein.

5

Das was aller wunder urspring.

der sechter eine wart alda ze zart.

Got braht uns minne reine.

Nature, wisheit sint durh den

den niht kunde umbevahen.

10

Vatter sun mit geiste,

die drien in einem Got wir spehn:

die alle umbevienc Maria clare.

Nein und ia: valsch ware geloube wart.

Nature wart zerbrochen,

15

do geist in geistes geschikeit

zoch an sich menschen knochen

in einer megde libe.

Was wol aller wunder hert

Got viel, Got beleib, Got menschen wort:

20

Got wunderere, gib uns in himel beliben.