Sprüche und Lieder

in chronologischer Anordnung

Der König-Heinrichston

(1225/29)

Selbwahsen kint, dû bist ze krumb (101,23)

Diu minne lât sich nennen dâ (102,1)

Ich was durch wunder ûz gevarn (102,15)

______________________________________________________________

III

Ich was durch wunder ûz gevarn

(Werteverlust)

L 102,15

Ich was durch wunder ûz gevarn,

dô vant ich wunderlîchiu dinc.

ich vant die stüele leider lære stân,

dâ wîsheit, adel und alter

5

vil gewaltig sâzen ê.

hilf, frouwe maget, hilf, megde barn,

den drîn noch wider in den rinc.

lâ si niht lange ir sedeles irre gân.

ir kumber manigfalter,

10

der tuot mir von herzen wê.

ez hât der tumbe rîche nû ir drîer stuol, ir drîer gruoz.

owê, daz man dem einen an ir drîer stat nû nîgen muoz.

des hinket reht und trûret zuht und siechet schame. diz ist mîn klage, noch klagte ich gerne mê.