BIBLIOTHECA AUGUSTANA

 

Konrad von Megenberg

1309 - 1374

 

 

Buch der Natur

 

I. Von dem Menschen

in seiner gemainen Natur.

 

___________________________________________________

 

 

49.

Von den zaichen der natürleichen siten.

l. Von dem flaisch.

 

Welher mensch vil flaischs hât und daz selb hert ist, daz bedäut groben sin und hert vernunft. aber welhes menschen flaisch lind ist, daz bedäut ain guot nâtûr und ainen guoten sin und aine guot verstäntnüss.