Buch der Natur

II. Von den himeln und

von den siben planêten.

___________________________________________________

3.

Von dem streitgot.

Der dritt planêt haizt ze latein Mars, daz ist ze däutsch gehaizen der streitgot, dar umb, daz er von seiner kraft gar heiz und trucken ist. und wenne er in seinem aigenn satz ist, sô hitzt er der menschen herz und ir nâtûr und macht si zornich. der stern ist rôt reht als ain glüender kol und volpringt seinen lauf in zwain jâren.