| |
|
-
- D a s n a r r e n s c h y f f .
[ P r o t e s t a t i o n . ]
(Zusatz der 3. Auflage, Basel 1499)
- __________________________________________
- Uor hab ichs narren schiff gedieht
Mit grosser arbeyt vff gerieht
Vnd das mit doren also geladen
Das man sie nit durfft anders baden
- 5
- Ein yeder het sich selbs geriben
Aber es ist dar by nit bliben
Vil mancher hat noch sym geduncken
Noch dem villicht er hatt getruncken
Nuw rymen wellen dar an hencken
- 10
- Die selben soltten wol gedencken
Das sie vor sæssen jn dem schiff
Dar jnn ich sie vnd ander triff
Hetten jr arbeyt wol erspart
Diß schiff mit altem segel fart
- 15
- Vnd důt glich wie das erst vß fliegen
Loßt sich mit slechtem wynd benűgen
Wor ist / Ich wolt es han gemert
Aber myn arbeyt ist verkert
Vnd ander rymen dryn gemischt
- 20
- Denen / kunst / art vnd moß gebryst
Myn rymen sint vil abgeschnitten
Den synn verlürt man jn der mitten
Jeder rym hat sich műssen schmucken
Noch dem man jn hatt wellen drucken
- 25
- Vnd sich die form geschicket hat
Dar vmb manch rym so übel stat
Das es mir jn mym hertzen we
Geton hat tusent mol / vnd me /
Das ich myn groß műgsam arbeyt
- 30
- On schuld hab übel angeleyt
Vnd ich sol œfflich sehen an
Das ich nit hab gelon vß gan
Vnd mir nie kam für mund noch kælen
Aber ich will es gott befælen
- 35
- Dann diß schiff fœrt jn synem nammen
Sins diechters darff es sich nit schammen
Glich wie das alt jn allen sachen
Es kan nit yeder narren machen
Er heiß dann wie ich bin genant
- 40
- Der narr Sebastianus Brant
|
|