Das Liederbuch

Bl. 298v (I, 50)

____________________________________________________________

In obgemelter weis

Gesegen dich got, liebs fräwlin zart!

Ich schaid von dir vnd lasz dich hie,

Vergisz mein nit, es leyt mir hart,

Wann ich dir was mit triuen ye

5

Vnd will dir wenden nymmermer.

Gesegen dich got, mein hertz ist dein,

Du bist mein trost, mein vsserwelt!

Die weil ich leb, so will ich sein

Mit stättikait zu dir geselt!

10

So volgt mir fräd, wav ich hin cher.

Seid hoffen ist für trauren gůt,

So hoff ich wäger werd mein sach.

Ye lieber chind, ye scherpffer růt,

Halt vest, als mir dein gnad versprach,

15

So hab ich fräd on widerker.

Gesegen dich got, ist nit mein fůg,

Es pringt mir laid vnd senende clag.

Meiner tusend trügen laids genůg

An dem, das ich allaine trag;

20

Doch nert mich hoffen wider her.