Das Liederbuch

Bl. 330v-331r (I, 110)

____________________________________________________________

Ich hett ain frawen i‹n› hertzen holt,

Der dient ich mit gantzem fleisz;

Der selben gefiel mein schimpff nit wol.

Ich waisz, wes ich mich halten sol,

5

Der sach bin ich nit weis.

Sy hatt mich übergeben

Die liebste. die ich havn.

Das fügt mir nit gar eben,

Ich für ain traurigs leben.

10

Von fräden můsz ich lavn!

Sy hatt ain andern lieber, dann mich,

Da kan ich nit wol für.

Hewt lieb vnd morgen nicht,

Das ist ain böse zuuersicht;

15

Also stätt ir lon.

Wolhin, seid ich mich schaiden můsz,

Das pringt mir grosse pein!

So ich gedenck an iren grůsz,

Den sy mir gab mit wortn süsz,

20

Wie möcht mir würs gesein!

Ir leib vnd gestalt mir wol geuelt,

Ir anplick der ist vein.

So ich sy dann von ferr anplick,

Mein hertz in fräden ser erschrickt,

25

Verschwunden was mein pein!

Sy liebet mir gar ynneclich

In meines hertzen grunt;

Von ir so wurd ich frädenreich,

Vff erd so lebt nit ir geleich,

30

Tätt sy mir friuntschafft kunt!

Ir lieb was mir geoffenbart

Für all dis welt gemain;

Den valschen claffer schlach das mort,

Der mir mein fräd hat erstort

35

Gen der liebsten frawen mein!