Minnereden

Quelle:

Cod. Pal. germ. 355

(Die Blattangaben führen jeweils zu den

Originalseiten der Heidelberger Handschrift)

____________________________________________________________

20.

Alphabetischer Liebesgruß

[155v]

Das ist das a b c d e f &c.

Ach edeliu, hohe, raeine frucht,

by dir wunt tugent mänigfalt.

cur haut din lt gtwiplich zucht

das sie erwecken mag mit gewalt

5

Ein diener mich zuo dienen dir

fúr alles das ye ward geborn.

gar früntlich und mit gantzer begir

haut dich min hertz nuon usserkorn.

Ich gelob als wol das nie uff erde

10

kein mensch din gelich gesach an rein,

lieplicher wiß nach zarter geberde

mir von kainem menschen nie erschein.

Nauch lust, er und wirdikait

ob allen fröwen schwebst du wyt,

15

pin wendest du mir und dar zuo laide,

qual haut min hertz näch dir all zitt.

Rout wirt geferbet min angesicht

so mich beschint din lieplich blicke,

truowe und minne ist zuo dir verpflicht,

20

von froeden ich zwär dick erschrick.

Xius richtum ich nit wölt

[156r]

yetz nieman und öweglichen hän,

zart frow, das ich dich miden solt

und soelt von dinen gnaden stän!