BIBLIOTHECA AUGUSTANA

 

Minnereden

1300 - 1500

 

Minnereden

 

Quelle:

Berliner Liederhandschrift mgf 922

(Berlin, Staatsbibliothek)

 

____________________________________________________________

 

 

 

22.

Lob der Frauen

Fassung II

 

[11rb]

Aber tringt eyns wibes gueete

daz hertze myn in sorgen vlueete;

ich hoef, sy duet doch sonder vair.

se wilt daz ich gent nuwe jair

5

myn leben setze in eyn onraste

unde mit zynne dair na taste

beyde zo dichten und zo scriben

was heylsams heylz kuom van wyben.

dar zu myn muot doch ist zu dilde,

10

sint leyder ney wyp guonsten milde

wart gen mich zuo geyne zyden.

mich hait duecke overvloissen liden,

daz ich enwist ney wie mir was;

lyfs, zyns, hertzen, muoedes laz

15

hain ich mir vunden manige stuont.

wie ich dar af wuerde gesuont,

dez zynt noch wyff onschuldich gar.

by wylen mach mich sorgen bar

hoffen, mir zuele noch geschien

20

vyl guotz, daz nicht enist zu zehen.

datz alden troist de men mir deit.

ich ween dez sicher uff myn eyt:

wer heils van wiben nicht hait becort,

de ynkuonnen der zuesser dueghden ort

25

an wyben nemmermer volprisen,

he enhave gehort dan vanden wysen

meistren, de ich hain vorscreben

[11va]

waz heils van wyben zy bleben

mangen man, dy sich paste

30

in duoegeden und in deynste vaste,

lyf, guot, muot, leydes ungespart

durch reynen kuyschen wybes art,

de ich zo prysen wyl beginnen,

doch nicht van virsochten zynnen

35

dan as ich duocke hain horen reden

beyde uph borgen und in steden

waz guotz eyn gut wyp brengen kan

wen sys mit rechten gunsten gan.

wail ym die daz ist worden wys!

40

O wyff, der wonnen paradys,

du alre salden vaste slos,

uz dir fluoyst eyn heylsam vlos,

daz lyden kan van mannen keeren.

dyn wyflicheyt kan manigen leren

45

daz he in rechter edelhede

muos oeven hertz und synne beyde,

der doch vor eyn dorper was.

o dueghden spiegel, luter glaz,

god have danck daz he dich zilde

50

manigen man zuo vuorbilde.

die vor waz witz und zeden dol,

den macht dyn zuocht duocke duoeghden vol.

eyn wyf getweyde ist heyls eyn garte,

eyn zúchtich wyf an wandels scarte

55

de enkan gheyn scatz nicht overrychen.

eyn wyf dair uz man kuoyscheyt blychen

spuoert an werken und an worten,

erschynt sy dan doch mit vorten

und ist dan sympel ir gelaez,

60

so wairt nie keyser noch nye pays

he ynmuocht ir dienen wol mit eren.

[11vb]

wuolde zy ym wyflich zu geberen.

ich kuoer vuor alder werelt guolt

wer mir eyn wyf in truwen huolt,

65

de aldinc keren kuonde zuo besten.

myn muocht gheyn leit soe oberlesten,

in mueste nach yren hulde ringen.

ich weys noch sulche de mich kan twingen.

se ist senfte, gestete und overzaert,

70

myn hertz, myn zynn hait ze so hart

zuo steten dienst an ir gedruongen,

wer mir ye eyns van ir irluongen

eyn guoetlich wort, ich wer vyrsat

von leyde al in der vreuden pat.

75

so gut dunct mir troist van wyben.

wyf kuonnen truerens vyl virdriben,

wyf mach niemans zu vollen loven.

ich prise eyn zuchtich wyf in boven

allit dat got noch hait gemacht.

80

wen eyns eyn wyflich wyf anlacht

in gunsten und in guetlicheyden,

geschach dem eyn van minnen leyde,

daz muoez balde als eyn blich verzwynden.

wyfs gelych kan nieman vynden,

85

an wyben so ic die werelt al.

myn hertz god ummer loben sal

daz he sulche edel creatuere

formeren wulde in die gehuere

durch welch die man nach eren ringen

90

und sich selben zu dueghden dringen.

wyf wuonden hertzen aen quetere,

wyf heylent zinne van brynnenden vuoere

der mynnen heys mit yre guonst.

wa ist eyn meyster van dier kunst

95

..............

..............