BIBLIOTHECA AUGUSTANA

 

Oswald von Wolkenstein

um 1376 - 1445

 

Handschrift B

 

____________________________________________________________

 

 

 

XX

(HS A 11r-11v, HS B 9r-9v, HS c 23r-24r, Klein 20)

 

I

ES ſeuſſt dort her uon Orient/

der wind leuant iſt er genent/

durch jndia er wol erkennt/

jnsuria iſt er behend/

5

zu kriechen er nit widerwent/

durch barbaria das gelent/

granaten hat er bald errent/

portugal jſpanie erbrent/

uberall die werlt von ort zu end/

10

regniert der edel element/

der tag jn hat zu bott geſennt/

der nach jm durch das firmament/

ſchon dringt zu widerſtreit ponent/

des frewt ſich dort jnoccident/

15

das norbögniſche geſchlëchte/

 

Den ſturm erhort ein freulin zart/

do es mit armes banden hart/

mit liebem luſt uerſloſſen ward/

ſy ſprach ich hör die widerpart/

20

der tag die nacht mit ſchein bekart/

wach auf mein hort ſich hat geſchart/

der sterne glaſt uon himels gart/

wachter ich ſpür ein valſche wart/

dein leib pringt mich jniamers art/

25

ach wicht wer hat dich das gelart/

das du mich pringſt jnſendes mart/

da von mein hercz inlaid erſtart/

es müßt mich rewen hie und dart/

ob jm mißlingt mit hineuart/

30

das pringt dein ſnödes geträchte etc.

 

ZWar ſy began jn drucken/

zucken/ aus dem ſlaff/

freuntlich an ſich ſmucken/

rucken/ ane ſtraff/

9v

das er began zu krachen/

wachen/ ſunder ſwachen/

machen/ lieplich zaff/

 

II

DEr knab erſchrack aus lawres wän/

ſag lieb wie ſol ich das uerſtän/

40

das mich dein zärtlich umbefan/

in grīmer rache hie began/

erſchreken ſer mit widerzam/

hab ich dir miſſeuallen tan/

Ach nayn du außerweiter man/

45

mich rewt dein ſorgklich uon mir gän/

des bin ich mütes worden an/

hör zu den voglein wūnesan/

den tag zu melden ſy nicht län/

ain yedes vicht ſein ſundern yän/

50

mit heller ſtymm auff pomes pan/

mein hertz das müß dem weſen gran/

der vns hat ÿberslichen/

 

Zwar liebſte frow deins herczen qual/

mich freuden ant zu manchem mal/

55

wie wol dein er mit lieber zal/

mich hat erfreut an argen ual/

ſo iſt ſo uil der merker ſchal/

die uns verdencken vberal/

mit ſnödem ticht jnſchanden tal/

60

das ich wolt ſein ein animal/

yo weſen gleich der nachtigal/

da mit deins zartn' leibes ſal/

an ſchuld nicht flur der eren gral/

doch hoff ich das kain böſer gal/

65

ſich andir frew jnneydes pal/

O wachter dein verswigen hal/

mit trewen hat gewichen/

 

Repeticio

Das zünglin gan ſy jm ſpitzen/

ſmiczen/ jnden mund/

70

plind lieb die hat nicht witzen/

hiczen/ trähers kund/

ſy aus den öglin gieſſen/

nieſſen/ än verdrieſſen/

flieſſen/ ſchon verwunt/

 

III

ACh ſchaiden ich bin worden dein/

ſo redt das zarte frewelein/

groſs freud an mir iſt worden klein/

ſeyd ich dich ußerweltes ein/

hie meyden müſs uon tages ſchein/

80

O trumetan wie haſtu mein/

vergeſſn' hye jnsolcher pein/

das du haſt lan gewaltig ſein/

den ſüd und oſſt ſpatzieren hrein/

ponent dein ſterklich widergreyn/

85

uerdrungen hat der dies reyn/

auch lucifer der klarhait vein/

dein greyſen du laßt vberfreyn/

des müß ich ellends magatein/

auſs lieben ſloſſen ſtrecken/

 

90

Frow nicht betrüb dein öglin klar/

mich hat dein mündlin wolgeuar/

erzunt mit rechter liebe gar/

das mir kain not nicht ſchaden tar/

umb trauren gäb ich nicht ein har/

95

mein hertz ſich an deins leibes nar/

die mich ye weiſſt uon tadels par/

dein er behüt ſant Balthazar/

die von mir vngeſwachet zwar/

hie worden iſt an zweifel gar/

100

das zeug ich mit der engelſchar/

ſleuſs auff dein weyſſe ermlin mar/

zu bleiben lenger ich nicht tar/

geſell dein widerkunft nicht ſpar/

ſant peter müß dich decken Repeticio

 

105

Die mayd lieſs in mit ſynnen/

rynnen/ jnden grans/

durch weyſſe zendlin zynne/

der mynne/ ſant johans/

zway lieplich umbeuahen/

110

nahen/ da beſchahen/

zu gahen/ mit geranns –