Handschrift B

____________________________________________________________

XXI

(HS A 12r-12v, HS B 9v-10r, HS c 24r-25v, Klein 21)

I

JR alten weib nu frewt ew mit den iungen/

was uns der kalte winter hat betwungen/

das wil der meye/ mit geſchraye/ düngen/

mit ſüſſer krafft/ den würczlin geben ſafft/

5

Des kalden ſnees mag er nit lenger tauren/

was ſich uerſmogen hat in krumbes lauren/

das wil er wecken/ recken/ ſchir aus trauren/

laub plümlin plüd/ gras würmli tierly müd/

JR voglin ſmyerbt ewr rauhe kel/

10

trett auff höher ſinget hel/

jr wilden tyer vernewt ewr fel/

hart welgt ewch jnden plümlin gel/

ir freulin gailt ew ſunder quel/

gepawer rewt ein ander mel/

15

das du den herbſt wilt bachen/

10r

Perg ow und tal forſcht das geuild/

ſich ſchon erzaigt aus grundes mild/

All creatuer zam und wild/

nach junger frucht ſenlichen quillt/

20

yecz ſeim geleichen nachgepildt/

mein örſch ſchreyt gen des mayen ſchilt/

des tüt der eſel lachen/

RAyen ſpringen/

louffen ringen/

25

geygen ſingen/

lat her bringen/

klumpern klingen/

mündli zwingn'/

frölich dringen/

30

gen den freulin zart/

An uerlangen/

well wir brangen/

jnden ſangen/

mit verhangē/

35

Laub die wangen/

mit ermlin vmbfangen/

zünglin zangen/

des frewt ſich mein bart/

II

Wie wol der gauch uon hals nit ſchon quintieret/

40

und der frantzoiſch hoflich discantieret/

gug gugk/ lieb ruck/ der hal mir bas ſonieret/

und frewt mich uil für jöſtlins ſaitenspil/

Hecz iagen baiſſen bierſſen ſchieſſen tauben/

uor grünem wald nach pfifferlingen klauben/

45

mit ainer mayt/ beklait/ von ainer stauden/

den luſt ich breys/ für alle hofeweys/

May dein gezellt geuellt mir wol/

wo man grëslin baden ſol/

ein yeklich wild beſücht ſein hol/

50

da es die jungen birgt vor dol/

trinck tranck katalon ſpanyol/

daſſelb geſangk und paga den zol/

der troſchel nicht geleichet/

Jndem ſelben land ſo nam ich war/

55

und ſecht ir mir icht grawe har/

die trüg ich uon den freulin zwar/

die weyſſen bainlin wolgeuar/

uerdackt mit roten hosen gar/

und jre liechte öglin klar/

60

mit ſwartzer farb beſtreichet/

Der mich aine/

die ich mayne/

frewt allaine/

leibgebaine/

65

wer nicht ſaine/

mein trauren klaine/

ach die raine/

mitt ſys hosen tüch/

Mit den gebunden/

70

ſnüren unden/

gar uerſwunden/

wër mein wunden/

und hett funden/

all mein kunden/

75

jnparys lunden/

frümt ich jr zwen ſchüch/

III

GAr waidenlich tritt ſy den firlifanczen/

jr hohe ſprüng unweiplich ſind zu tantzen/

ouch hat ſy phlicht/ des angeſicht/ zu verglanczen/

80

dieſelbig mayt/ die ring inoren trait/

Mein langer bart der hat mir dick verſchroten/

uil manchen ſchmutz uon zarten mündlin roten/

die ſchöne wenglin für die hendlin botten/

wenn ſy die leut emphiengen mit gedreut/

85

Jr neglin rot mich machen krank/

die ſein gewundn krump zu lanck/

nider auff die erden iſt ir ſwanck/

ſiczen pfligt ſy ſunder wanck/

ouch lob ich den umbehanck/

90

bey den betten uor den klanck/

zu ainlicz von der gloggen/

Jspania preuſſen ſoldans lant/

Tenmarck reuſſen eyfen ſtrant/

Afferen frankreich engelant/

95

flandern bickardi prabant/

Cippern Nappel Romani duscant/

Reynſtram wer dich hat erkant/

biſtus der freude tocken/

Da zyßly müßly/

100

füßli fißly/

henne klüßly/

kompt jns hüßli/

werffen ein tüßli/

ſußa ſüßly/

105

nyena grüßli/

well wir ſicher han/

Clërly metzly/

elli ketzli/

tünt ein ſetzly/

110

richt ewr lëtzly/

vach das rëtzly/

tula hëtzly/

trucza träczly/

der uns freud vergan/