Handschrift B

____________________________________________________________

XXVI

(HS A 42v-43r, HS B 12rv, HS c 31r-33v, Klein 26)

I

D

Vrch aubenteuer perg und tal/

ſo wolt ich uaren das ich nicht verläge/

Ab nach dem Reyn gen Haidelwerg/

jnengelant ſtünd mir der ſyn nicht träge/

5

gen ſchottlant yerrland ÿbersee/

auf hölggen groſs gen portugal zu ſiglen/

nach einem plümlin was mir we/

ob ich die liberey da möcht erſtiglen/

uon ainer edlen künigin/

10

jnmein gewalt verriglen.

II

UOn lyzabon in barbarey/

gen Septa das ich weylent half gewynnen/

da manger ſtolczer mor ſo frey/

uon ſeinem erb müſſt hinden aus entrynnen/

15

Granaten hett ich bas versücht/

wie mich der rotte küng noch hett emphangen/

zu ritterſchafft was ich geſchücht/

uor meinen kindlin wer ich darjnn gangen/

dafür müſſt ich zu tiſch mit ainem/

20

ſtubenhaiczer brangen/

III

WJe wol ich mangen herrten ſtraiff/

eruaren hett des hab ich klain genoſſen/

ſeyd ich ward zu dem ſtegeraiff/

mit baiden ſporen ſeuberlich uerſlozzen/

dieſelbig kunſt ich nye geſach/

25

doch hab ich ſey an ſchaden nicht geleret/

do klagt ich got mein ungemach/

das ich mich hett uon howenſtein verferret/

ich forcht den weg gen Waſſerburg/

30

wenn ſich die nacht verſteret/

IV

INeinem winckel ſach ich dort/

zu fellenberg zwen boyen eng und ſwëre/

ich ſwaig und redt da nicht uil wort/

ye doch gedächt ich mir nöttlicher mëre/

35

wurd mir die ritterſchafft zu tail/

jndiſen ſporen möcht ich mich wol ſtreichen/

mein gogelhait mit aller gail/

geriet vaſt trauriklich ab jn ain keichen/

was ich güt antlas dorumb gab/

40

das tet ich haimeleichen/

V

ALso lag ich ettlichen tagk/

der römiſch küng die ſorg mir nicht vergulde/

das ich nicht weſſt wenn mir der nack/

verſchrotten wurd wie wol ich hett kain ſchulde/

45

zwar oben nyden hinten vor/

was mir die hüt mit leuten wolbeſtellet/

wart Peter Märckel zu dem tor/

er iſt beſcheid das er uns nit entsnellet/

mein liſtikait hett jn der fürſt/

50

die oren vol erſchellet/

VI

DArnach ſo ward ich gen jnsbrugk/

ein preuſſen vart gen hoff köſtlich gefüret/

dem meinem pfärd all ÿber rugk/

verborgenlichen nyden zü versnüret/

55

ellender rayt ich hinden ein/

12v

und hett doch nicht des kaysers ſchacz uerſtolen/

man barg mich uor der ſunneſchein/

für ſpringen lag ich zwainczig tag verholen/

was ich da auff den knyeen zerraiſs/

60

das ſpart ich an den ſolen/

VII

AJn alter ſwab gehaiſſen planck/

der ward mir an die ſeitten dick geſeczet/

Ach got wie bitterlich er ſtanck/

uon ſeinem leib wird ich des nicht ergeczet/

65

er trüg ein bain mit ainer klufft/

der autem gieng jm wilde uon dem munde/

darzü ſo felſcht er dick den lufft/

uaſt ungehäbig nyden An dem grunde/

und ob er noch den Reyn uerſwellt/

70

wie wol ich jm des gunde/

VIII

DEr peter haiczer und ſein weib/

planck und ein schreiber der was tëglich truncken/

die machten grausen meinen leib/

wenn wir das brot zeſamen wurden duncken/

75

ſymm ain' koczt der ander hielt/

den bomhart nyden mit der langen mäſſe/

Als der ein büxſs uon anderspielt/

die ÿberladen wër durch buluers laſſe/

hofieren das was mangerlay/

80

uon jn durch uolle ſträſſe/

IX

MEin frölichkait gab tunkeln ſchein/

do mich gedenck hin hinder machten ſwiczen/

das mich der phalczgraf uon dem Reyn/

uor kurtzlich bat ob jm ze tiſche ſiczen/

85

wie gleich der falck den kelbn' was/

der römiſch küng hett mein ſo gar uergeſſen/

bey dem ich ouch uor zeitten ſaſs/

und halff das krut auſs ſeiner schüſſel eſſen/

da wider was ich uon dem vierſſt/

90

abguallen ungemeſſen/

X

NOch waiſs ich ainen jnnder leuſs/

mit namen kopp den kund ich nye geſwaigen/

der ſnarcht recht Als ein hafenreuſs/

wennjn der ſtarck tramynn' trang ze ſaigen/

95

zwar ſölhen ſlaff ich nye gehort/

des müſſt ich baide oren dick verſchieben/

mein houbt hat er mir dick bedort/

das es mir von ainander wolde klieben/

wër ich ein weib umb alles güt/

100

ſo möcht er mir nicht lieben/

XI

DEr kreyger und der greysnegger/

moll trugsäzz retten all darzu das beſſte/

der Salczmair und der Neydegg'/

freyn Grauen Säldenhoren freunt und geſſte/

105

die baten all mit rechter gier/

den fürſten reich durchleuchtig hochgeboren/

da mit er wër genëdig mir/

und tët kain gäch inseinem erſten zoren/

er ſprach ia werden ſolcher leut/

110

uon bomen nicht geboren/

XII

DJe ſelbig red was wol mein füg/

mit meines bülen freund müßt ich mich aynen/

die mich uor jaren ouch beſlüg/

mit groſſen eyſen nyden zu den baynen/

115

was ich der mynn genoſſen hab/

des werden meine kindlin noch wol jnnen/

wenn ich dort lig jnmeinem grab/

ſo müſſen ſy jre hendlin dorumb winden/

das ich den namen ye erkannt/

120

uon diſer hausmanynnen/

XIII

DO ſprach der herr auſs zornes wän/

gen ſeinen Rëten gar An als verdrieſſen/

wielang ſol ich jn ligen lan/

künt jr die tayding nymm' mer verſlieſſen/

125

was hilfft mich nu ſein trauren da/

mein zeit getraut ich wol mit jm vertreiben/

wir müſſen ſingen fa ſol la/

und tichten hoflich uon den ſchönen weiben/

pald iſt die vrfech nicht berait/

130

ſo lat ſy kurtzlich ſchreiben/

XIV

DEm kantzler ward gebotten zwar/

Auſs meiner uäncknuſs halff er mir behende/

geſchriben und verſigelt gar/

des danck ich hertzog fridrich An mein ende/

135

der Marſchalck ſprach nu tritt mir zẅ/

mein herr hat deins geſanges kom erbitten/

ich kom für jn do lacht er frü/

ſecht do hüb ſich ein heulen ane ſitten/

uil mancher ſprach dein vngeuell/

140

ſoltu nicht han verritten/

nur in A:

[DO batt ich in an allen haß/

für meinen frewnd der iſt für war ain freye/

der newnt halb iar gelegen was/

geuangen jnn des edlen fürſten kreyge/

5

Er ſprach nun für in mit dir haim/

vnd hilf im durch ſein frewnd genade ſüchen/

alſo kert ich gen hawenſtain/

zwar diſem fürſten ſol ich nymm' fluchen/

das er mir noch ſo wol getrawt/

10

des helf mir got geruchen/]

XV

DEr wirdig got der haimlich got/

der wunderlich jnden vil außerkoren/

der lieſs mir nye kain freys gebott/

die leng des han ich dick ein ſpil verloren/

145

mein tentzſchikait und ÿppig er/

iſt mir durch jn an waſſer offt erloſchen/

wann zeuch ich hin ſo wil er her/

indiſem ſtreit ſo wird ich ÿberdroſſchen/

verdiente ſtraff zwar umb die mynn/

150

beſtet mich manchen groſſchen/

Vltimus uersus eſt ueriſſimus. Peroswaldum Wolckenſtainer.