BIBLIOTHECA AUGUSTANA

 

Oswald von Wolkenstein

um 1376 - 1445

 

Lieder anderer Quellen

 

____________________________________________________________

 

 

 

III

(Klein 130)

München, Bayerische Staatsbibliothek Cgm 715

 

Ain ander Mittit ad virginem

 

I

Von Got ſo wart geſannt/
der jungkfrawn her czu lant/

ein engel wol erkannt/

Gabriel was er genannt/

5

der ſtarcke potſchaft czam/

 

II

Der pot der was ſo ſtark/

nature irē ſark/

zerbrach er vnd verpargk/

der junkfraun allen ark/

10

magt mueter was ir nam/

 

III

Uber all creatur trat/

der künig jungk geporn/

ſein reich ſein tzepter hat/

all ſünd gar abgeſchorn/

15

des ſey im lob vnd eer/

 

IV

Den trak den feint er ſtach/

dy hat er gar gemacht/

ir hochfart er zebrach/

vnd hat in nicht geſtat/

20

das ſy im herſchten mer/

 

V

Weicht höher trit hindan/

ir furſten helle kind/

ſeit wir Mariam han/

domit wir worden ſint/

25

tailhaft des vater reich/

 

VI

Tret herfüer Enngel klar/

werbet ſchon ewre wortt/

macht dy geſchrift offenbar/

dy vor nye wart gehort/

30

von kainem poten geleich/

 

VII

Her Enngel werbet ſchon/

Aue daz ſag ich dir/

jungkfraw genaden vol/

werbet Got ſey mit dir/

35

vnd went dir alle vorcht/

 

VIII

Jungkfraw enphahet got/

der wil vermenſchen ſich/

ir laiſtet ſein gepot/

das gelaubt ſicherleich/

40

ſein geiſt dye ſach e worcht/

 

IX

Gelaubig was dye maid/

vnd weſt an allen wankch/

was ir der engel ſagt/

daz was ir alles dankch/

45

do mit ſy Got enphie/

 

X

Der vns beſchaffen hat/

vnd alz menſchleich geſlecht/

von ſeiner hanntgetat/

er was ye vnd yee gerecht/

50

der vns auch nye verlie/

 

XI

Der vns geholffen iſt/

vnd went vns ſünden ſlam/

der ſüeß herr Jhesus kriſt/

füer vns ad patriam/

55

do er wont yee vnd yee/