| |
|
- Π ε ρ ὶ π α ρ α λ ύ σ ε ω ς
- ________________________________________
- [Fragmentum XI]
(Wimmer 1866)
[1] Ὅτι ὑπὸ καταψύξεώς φησιν, ὡς χοινῶι λόγωι φάναι τὴν παράλυσιν γίνεσθαι· καὶ ταύτην οἱ μὲν ὑπὸ πνεύματος (καταψυχομένου), - πνευματικὸν γὰρ τὸ πάθος, - οἱ δὲ ἐκλείψει χαὶ στερήσει τοῦ πνεύματος.
[2] Τοῦτο γὰρ εἶναι τὸ τὴν θερμότητα καὶ τὴν κίνησιν ὅλως ποιοῦν ἀκινησίας δὲ γινομένης κατάψυξις γίνεται τοῦ αἵματος ἢ ἁπλῶς εἰπεῖν τῆς ὑγρότητος.
[3] Διὰ τοῦτο γὰρ καὶ ἡ νάρκη γίνεται ἐν τοῖς ποσὶν ἢ καὶ ἐν τοῖς ἄνω μέρεσιν, ὅταν ἀποπιεσθῶσιν ἀπὸ καθέδρας ἢ ἀλλῶι τινὶ τρόπωι· τότε γὰρ διαλαμβάνει τῆι πιέσει τὸ πνεῦμα καὶ οὐ δυνάμενον τὴν οἰκείαν κίνησιν κινεῖσθαι ἵστησι καὶ ἀποψύχει τὸ αἷμα.
|
|