Μῦθοι Αἰσώπειοι

___________________________________________________

80.

Βόες καὶ Μάγειροι.

(B. 21.)

Βόες μαγείρους ἀπολέσαι πότ᾿ ἐζήτουν,

ἔχοντας αὐτοῖς πολεμίαν ἐπιστήμων.

καὶ δὴ συνηθροίζοντο, πρὸς μάχην ἤδη

[40]

κέρατ᾿ ἀποξύνοντες· εἷς δέ τις λίην

γέρων ἐν αὐτοῖς (πολλὰ δ᾿ ἦν ἀροτρεύσας),

«οὗτοι μὲν ἠμᾶς» εἶπε «χερσὶν ἐμπείροις

σφάζουσι καὶ κτείνουσι χωρὶς αἰκίης·

ἢν δ᾿ εἰς ἀτέχνους ἐμπέσωμεν ἀνθρώπους,

διπλοῦς τότ᾿ ἔσται θάνατος· οὐ γὰρ ἐλλείψει

τὸν βοῦν ὁ θύσων, κἂν μάγειρος ἐλλείψηι.»

[Ὁ τὴν παροῦσαν πημονὴν φεύγειν σπεύδων

ὁρᾶν ὀφείλει, μή τι χεῖρον ἐξεύρηι.]

Ὁ μῦθος δηλοῖ, ὅτι ἄμεινον δεουλεύειν σοφοῖς καὶ ἐπιεικέσιν ἢ δεσπόζεσθαι ὑπὸ σκαιῶν τε καὶ ἀπαιδεύτων.