Μῦθοι Αἰσώπειοι

___________________________________________________

154.

Ζεὺς καὶ Χελώνη.

(S. 105. C. 105 et p. 318. F. 79.)

Ζεὺς, γάμους τελῶν, συγκαλεσάμενος τὰ ζῶα πάντα εἱστία. Μόνης δὲ χελώνης ὑστερησάσης, διαπορῶν τὴν αἰτίαν τῆι ὑστεραίαι ἐπυνθάνετο αὐτῆς· «διὰ τί μόνη ἐπὶ τὸ δεῖπνον οὐκ ἦλθες;» Τῆς δὲ εἰπούσης «φίλος οἶκος ἄριστος οἶκος,» ἀγανακτήσας κατ᾿ αὐτῆς παρεσκεύασεν αὐτὴν τὸν οἶκον αὐτὸν βαστάζουσιν περιφέρειν.

Οὕτω πολλοὶ τῶν ἀνθρώπων αἱροῦνται λιτῶς οἰκεῖν ἢ παρ᾿ ἄλλοις πολυτελῶς διαιτᾶσθαι.