Μῦθοι Αἰσώπειοι

___________________________________________________

265.

Λιθουργὸς καὶ Ἑρμῆς.

(B. 30.)

Γλύψας ἐπώλει λύγδινόν τις Ἑρμείην·

τὸν δ᾿ ἠγόραζον ἄνδρας, ὃς μὲν εἰς στήλην

(υἱὸς γὰρ αὐτῶι προσφάτως ἐτεθνήκει),

ὁ δὲ χειροτέχνημ᾿ ὡς θεὸν καθιδρύσων.

ἦν δ᾿ ὀψέ, χὡ λιθουργὸς οὐκ ἐπεπράκει,

συνθέμενος αὐτοῖς εἰς τὸν ὄρθρον αὖ δεῖξαι

[130]

ἐλθοῦσιν. ὁ δὲ λιθουργὸς εἶτεν ὑπνώσας

αὐτὸν τὸν Ἑρμῆν ἐν πύλαις ὀνειρείαις

εἶδεν λέγοντα· «τἀμὰ νῦν ταλαντεύηι·

ἢ γάρ με νεκρὸν ἢ θεὸν σὺ ποιήσεις.»