di perzon

Arn-Eliezer Tseytlin, poet, dramaturg, publitsist un eseyist. er iz oykh geven farinteresirt in mistitsizm, parapsikhologye, filosofye un in tog-teglekhe gezelshaftlekhe problemen. geboyrn gevorn in 1898 in Uvarovitshi, Vaysrusland. zun fun Hilel Tseytlin. biz 1907 hot er farbrakht in Homel un Vilne. in 1920 iz er avek keyn Erets-Yisroel. er hot zikh umgekert keyn Varshe, Poyln, in 1921. zayn ershte literarishe shafung «di matroynise» hot er opgedrukt in «der yidisher velt» in 1914. fun di frie 1920er yorn hot er zikh bateylikt in yidishe un hebreishe tsaytshriftn in Poyln, Erets-Yisroel un Amerike. in 1939 iz Tseytlin farbetn gevorn keyn Amerike. er iz geven profesor fun hebreisher literatur inem lerer-institut baym yidishn teologishn seminar in Nyu-York. er iz geshtorbn in 1973 in New-York un iz gekumen tsu keyver Yisroel in Medines Yisroel.