Physiologus latinus

Capitulum XXVI

________________________________________________________________________

XXVI.

De lapide indico

Talem naturam habet iste lapis: Est hydropicus, si fuerit artifex medicus quaerit hunc lapidem et ligat eum et hydropico horas tres et totas aquas contagionis sorbet hydropici. Deinde solvit lapidem et ponet eum ad solem horas tres, et omnes humores quos abstulit effundit foras et fiet mundus lapis.

Huic lapidi conparatur dominus Iesus Christus, qui omnem valetudinem peccatorum a nobis ut bonus medicus abstulit et nos adtraxit ad se, excludens omnem languorem a nobis.

Bene dixit Physiolocus de lapide indico.