Εἰδύλλια

___________________________________________________

149 - 150

Χρήματα μὲν δαίμων καὶ παγκάκωι ἀνδρὶ δίδωσιν,

150

Κύρν᾽· ἀρετῆς δ᾽ ὀλίγοις ἀνδράσι μοῖρ᾽ ἕπεται.

183 - 192

Κριοὺς μὲν καὶ ὄνους διζήμεθα, Κύρνε, καὶ ἵππους

εὐγενέας, καὶ τις βούλεται ἐξ ἀγαθῶν

185

βήσεσθαι· γῆμαι δὲ κακὴν κακοῦ οὐ μελεδαίνει

ἐσθλὸς ἀνήρ, ἤν τις χρήματα πολλὰ διδῶι,

οὐδὲ γυνὴ κακοῦ ἀνδρὸς ἀναίνεται εἶναι ἄκοιτις

πλουσίου, ἀλλ᾽ ἀφνεὸν βούλεται ἀντ᾽ ἀγαθοῦ.

χρήματα γὰρ τιμῶσι· καὶ ἐκ κακοῦ ἐσθλὸς ἔγημε

190

καὶ κακὸς ἐξ ἀγαθοῦ· πλοῦτος ἔμειξε γένος.

οὕτω μὴ θαύμαζε γένος Πολυπαΐδη ἀστῶν

μαυροῦσθαι· σὺν γὰρ μίσγεται ἐσθλὰ κακοῖς.

429 - 438

φῦσαι καὶ θρέψαι ῥᾶιον βροτὸν ἢ φρένας ἐσθλὰς

430

ἐνθέμεν· οὐδείς πω τοῦτό γ᾽ ἐπεφράσατο,

ὥι τις σώφρον᾽ ἔθηκε τὸν ἄφρονα κἀκ κακοῦ ἐσθλόν.

εἰ δ᾽ Ἀσκληπιάδαις τοῦτό γ᾽ ἔδωκε θεός,

ἰᾶσθαι κακότητα καὶ ἀτηρὰς φρένας ἀνδρῶν,

πολλοὺς ἂν μισθοὺς καὶ μεγάλους ἔφερον.

435

εἰ δ᾽ ἦν ποιητόν τε καὶ ἔνθετον ἀνδρὶ νόημα,

οὔποτ᾽ ἂν ἐξ ἀγαθοῦ πατρὸς ἔγεντο κακός,

πειθόμενος μύθοισι σαόφροσιν· ἀλλὰ διδάσκων

οὔποτε ποιήσει τὸν κακὸν ἀνδρ᾽ ἀγαθόν.