Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
32.Oratio in septuagesimaad sanctum Laurentium foris murum
Preces populi tui quaesumus domine clementer exaudi, ut qui iuste pro peccatis nostris affligimur, pro tui nominis gloria misericorditer liberemur: per.Super oblata. Muneribus nostris quaesumus domine precibusque susceptis et caelestibus nos munda mysteriis et clementer exaudi: per.Ad completa. Fideles tui deus per tua dona firmentur, ut eadem et percipiendo requirant et quaerendo sine fine percipiant: per. |