Sacramentarium Gregorianum

_________________________________________________________

35.

Feria iiii collecta ad sanctam Anastasiam

Concede nobis domine praesidia militiae christianae sanctis incoare ieiuniis, ut contra spiritales nequitias pugnaturi, continentiae muniamur auxiliis: per.

Item missa ad sanctam Sabinam. Praesta domine fidelibus tuis, ut ieiuniorum ueneranda sollemnia et congrua pietate suscipiant et secura deuotione percurrant: per.

Super oblata. Fac nos quaesumus domine his muneribus offerendis conuenienter aptari, quibus ipsius uenerabilis sacramenti celebramus exordium: per.

Ad completa. Percepta nobis domine praebeant sacramenta subsidium, ut et tibi grata sint nostra ieiunia et nobis proficiant ad medellam: per.

Super populum. Inclinantes se domine maiestati tuae propitiatus intende, ut qui diuino munere sunt refecti, caelestibus semper nutriantur auxiliis: per.