Sacramentarium Gregorianum

_________________________________________________________

59.

Die dominico ad Hierusalem

Concede quaesumus omnipotens deus, ut qui ex merito nostrae actionis affligimur, tuae gratiae consolatione respiremus: per.

Super oblata. Sacrificiis praesentibus domine quaesumus intende placatus, ut et deuotioni nostrae proficiant et saluti: per.

Ad completa. Da nobis misericors deus, ut sancta tua quibus incessanter explemur sinceris tractemus obsequiis et fideli semper mente sumamus: per.

Alia oratio ad missam. Deus qui in deserti regione multitudinem populi tua uirtute satiasti, in huius quoque saeculi transeuntis excursu uictum nobis spiritalem ne deficiamus inpende: per.