Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
67.Feria ii ad sanctum Chrysogonum
Sanctifica quaesumus domine nostra ieiunia et cunctarum nobis propitius indulgentiam largire culparum: per.Super oblata. Concede nobis domine deus noster, ut haec hostia salutaris et nostrorum fiat purgatio delictorum et tuae propitiatio maiestatis: per.Ad completa. Sacramenti tui quaesumus domine participatio salutaris et purificationem nobis praebeat et medellam: per.Super populum. Da quaesumus domine populo tuo salutem mentis et corporis, ut bonis operibus inhaerendo tua semper mereatur protectione defendi: per. |