Sacramentarium Gregorianum

_________________________________________________________

66.

Die dominico de passione ad sanctum Petrum

Quaesumus omnipotens deus familiam tuam propitius respice, ut te largiente regatur in corpore et te seruante custodiatur in mente: per.

Super oblata. Haec munera domine quaesumus et uincula nostrae prauitatis absoluant et tuae nobis misericordiae dona concilient: per.

Ad complendum. Adesto nobis domine deus noster, et quos tuis mysteriis recreasti perpetuis defende praesidiis: per.