Theséus de Cologne

_________________________________________________________

Laisse IX

Or s'enfuit la Roÿne dolente et couroucee,

300

La sienne chamberiere [...] avec elle menee.

Sus ung sien chambellan est la Roÿne alee.

Qui la tint quatre jours en sa chambre fermee.

Si tost que la Roÿne ot sa chambre laissee,

Y vindrent les sergens a chiere esfrayee

305

Et disoient em hault: «Ou est la dame alee?

Ii fault qu'elle soit tantost au Roy menee.»

Mais ce fut pour neant, ne l'ont mie trouvee.

Au Roy sont retournez qui la chiere ot yree,

Puis lui ont la nouvelle dicte et recordee

310

Que la Roÿne s'en est partie et desevree.

Et quant l'ouy mie si ne lui agree.

A ses barons a dit: «Ceste chose est prouvee,

Car c'elle fut loyalle:, point ne fut destournee.

Faictes que Theséus ait la vie finee.

315

Jamais de coste moy ne dormira journee.

Je ne vueil point nourrir filz de pute asotee.»

Adont ont print l'enfant qui a nul mal ne bee,

A quatre esquiers fu sa char livre[e].

Il avoit ja dix ans en celle annee

320

Que son pere lui ot ainsi sa mort jugie.