Vir nemoris

Liber II

___________________________________________________

destituunt. Hic fusa solo tremebunda laborant

corpora et hic lucem spirantia lumina quaerunt.

Dissita ubique cohors nullo coit ordine, nota

castra petit metuens et maesta silentia seruat.

Nos raptis clari exuuiis insignibus, armis

915

circum lustramus. Iuuat ire et Gallica castra

desertasque uidere domos ciuesque solutos

nexibus et duri uestigia uisere belli.

Cernitur excidium late: iam diruta passim

tecta iacent crepitantque grauem remouentia flammam.

920

Hic templa, hic sacris nudata altaria donis

plena patent feno, seu quo spumantia frena

ipsa ante ora deum sonipes manditque fremitque

nec superis parcit uictor, nec sacra ferenti

impia dextra caput seruat, sed in alta uirorum

[33]

925

fata trahit quoque templa deum; diuumque sacerdos

canitie et pietate grauis precibusque recuruus

interfectus iners effetos contrahit artus.

Hic, ueluti balans macie confecta tremenda.

uentorum flatio, seu primo sternitur imbre,

930

sic percussa iacet iam primo militis ictu

frigida anus terramque premit ceruice cruenta.

Innuba inexperto mactata cupidinis aestu

aspectat resupina polum, laesumque pudorem

seruat adhuc uultu, ceu pampinus excitus austro.

[131 ^v]

935

Hic super exstincti fulgentia militis arma

uir miser occubuit, thalami dum sacra tuetur

iura, uiro coniuncto iacet fidissima coniux

coniuncta et <natos complexa dum uulnera sugunt>.

Haec belli, haec pacis, sunt foederis improba uobis

940

haec iura. Hinc temerata fides, hinc foedus iniquum,

firmataeque dolo iudiciis sub imagine pacis,

funera, perniciem truculentaque bella tulere.

Nunc iterum fidei sanctum inuiolabile nomen

iactare audetis? Tum nos illudere uerbis?

――――――

131^r, 914 mesta err. V // 916 disertusque err. V // 928 tremenda uidetur: tremen // T trementi T² T³ V // 131^v, 931 cruenta T² T³ V: /////// T // 932 inexperto uidetur: inex///// T inexpletae T² V inexpleta T³ // 938 natos complexa dum uulnera sugunt suppleui: uersus finis uacat T et natos [pueros T³] complexa tenet dum nata cruorem / paruula sugit hians de uulnere matris obortum T² V.