Cinq pastourelles

Pastourelle IV

____________________________________________________________________________

Les un pin verdoiant

trovai l'autrier chantant

pastore et som pastor:

cele va lui baisant

5

et cil li acolant

par joie et par arnor.

tornai m'en un destor;

de vooir lor docor

oi faim et grant talent.

10

mout grant pieche de jor

fui iluec a sejor

por veoir lor samblant.

cele disoit «o! ae o!»

et Robins disoit «dorenlot!»

15

Grant pieche fui ensi,

car forment m'abeli

lor gieus a esguarder,

tant te je departi

vi de li son ami

20

et ens el bois entrer.

lors eu talent d'aler

a li por saluer;

si m'assis deles li,

pris a li a parler,

25

s'amor a demander:

mais mot ne respondi,

ancois disoit «o! ae o!»

et Robins el bois «dorenlot!»

«Touse, je vos requier,

30

dones moi un baisier;

se ce non, je morrai.

bien m'i poes laissier

morir sans recovrier,

se je le baisier n'ai.

35

sor sains vos jurerai,

ja mal ne vos querrai

ne forcheur destorbier.»

«vassal, et jel ferai,

trois fois vos baiserai

40

por vos rassoagier.»

ele redit «o! ae o!»

et Robins el bois «dorenlot!»

A cest mot plus ne dis,

entre mes bras la pris,

45

baisai l'estroitement;

mais au conter mespris,

por les trois en pris sis.

ele dit en riant

«vassal, a vo creant

50

ai je fait largement

plus ke ne vos pramis.

or vos proi bonement

ke me tenes covent,

si ne me queres pis.»

55

cele redit «o! ae o!»

et Robins el bois «dorenlot!»

Li baisier par amor

me doublerent l'ardor,

et plus en fui destrois:

60

par desous moi la tor,

et la touse ot paor,

si s'escria trois fois.

Robins oi la vois,

Gautelos et Guifrois

65

et cist autre pastor

corant issent du bois;

et je gabes m'en vois,

car la forche en fu lor.

puis n'i ot dit o n'ae o!

70

Robins ne dit puis dorenlot.