Ἀνθολογία Παλατινή

1. Τὰ τῶν χριστιανῶν ἐπιγράμματα

______________________________________________________________________

121.

Εἰς τὸν αὐτὸν ναόν

Ἔδει γενέσθαι δευτέραν Θεοῦ πύλην

τῆς παρθένου τὸν οἶκον ὡς καὶ τὸν τόκον·

κιβωτὸς ὤφθη τῆς πρὶν ἐνθεεστέρα,

οὐ τὰς πλάκας φέρουσα τὰς θεογράφους,

5

ἀλλ᾽ αὐτὸν ἔνδον τὸν Θεὸν δεδεγμένη.

ἐνταῦθα κρουνοὶ σαρκικῶν καθαρσίων

καὶ ψυχικῶν λύτρωσις ἀγνοημάτων·

ὅσαι γάρ εἰσι τῶν παθῶν περιστάσεις,

βλύζει τοσαύτας δωρεὰς τῶν θαυμάτων.

10

ἐνταῦθα νικήσασα τοὺς ἐναντίους

ἀνεῖλεν αὐτοὺς ἀντὶ λόγχης εἷσ᾽ ὕδωρ·

τροπῆς γὰρ ἀλλοίωσιν οὐκ ἔχει μόνην,

Ἀνώνυμος