Die Gedichte der

Großen Heidelberger

Liederhandschrift

Rätselsammlung

______________________________________________________________

XVI

C 269c.  Pfaff 889³³-890⁵.  MSH 2,97b.  Singer 43-44

Ez sluoc ein wip ir man ze tode und al ir kint geswinde

sluoc si ze tode, seht, daz was dem man unmazen zorn.

ze tode sluoc er si herwider und allez ir gesinde

sluoc er ze tod, doch wurden sider kint von in geborn.

5

Got hiez werden einen man,

der nie geboren wart von frouwen libe.

diu vater noch muoter nie gewan,

die nam er im ze wibe.

Dar nach ein hunt erbal,

10

daz alle liute, die do lebten, horten sinen schal.

Diu erde ist hoher danne der himel, daz hant die wisen meister wol befunden

hie vor bi manegen stunden.

Ein kint daz sluoc den vater sin, do᾽z in der muoter was,

do er den andern kinden sanc von got und in die rehten warheit las.