Buch der Natur

III. HIR HEBT AN DAZ DRITT

STÜCK DES PUOCHS

VON DEN TIERN

IN AINER GEMAIN

B. VON DEM GEFÜGEL

IN AINER GEMAIN

___________________________________________________

67.

Von dem trogopel.

Trogopales haizt ain trogopel. Solînus spricht, daz der selb vogel in der môrn lant won, daz ze latein Ethiopia haizt, und sei grœzer denn ain adlar und hab hörner als ain wider. mit den hörnern verjagt er und vertreibt all die vogel, die im wider sint. er ist eisenvar an den vedern. er hât ain haupt als ain fenix, ân daz er hörner vorn dar an hât, als wir vor gesprochen haben.