Sacramentarium Gregorianum

_________________________________________________________

19.

xviiii kalendas februarias id est xiiii die mensis ianuarii natale sancti Felicis in pincis

Concede quaesumus omnipotens deus, ut ad meliorem uitam sanctorum tuorum exempla nos prouocent, quatenus quorum sollemnia agimus, etiam actus imitemur: per.

Super oblata. Hostias tibi domine beati Felicis confessoris tui dicatas meritis benignus adsume et ad perpetuum nobis tribue prouenire subsidium: per.

Ad completa. Quaesumus domine salutaribus repleti mysteriis, ut cuius sollemnia celebramus, eius orationibus adiuuemur: per.