Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
28.Nonis februariis id est v die mensis februariinatale sanctae Agathae
Deus qui inter cetera potentiae tuae miracula etiam in sexu fragili uictoriam martyrii contulisti: concede propitius ut cuius natalicia colimus, per eius ad te exempla gradiamur: per.Super oblata. Suscipe munera domine, quae in beatae Agathae martyris tuae sollemnitate deferimus, cuius nos confidimus patrocinio liberari: per.Ad compl(endum). Auxilientur nobis domine sumpta mysteria, et intercedente beata Agatha martyre tua sempiterna protectione confirment: per.Alia. Indulgentiam nobis domine beata Agatha martyr inploret, quae tibi grata semper extitit et merito castitatis et tuae professione uirtutis: per.Alia. Deus qui nos annua beatae Agathe martyris tuae sollemnitate laetificas: da ut quam ueneramur officio, etiam piae conuersationis sequamur exemplo: per.Alia. Beatae Agathae martyris tuae domine precibus confidentes quaesumus clementiam tuam, ut per ea quae sumpsimus aeterna remedia capiamus: per. |