Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
40.Feria iii ad sanctam Anastasiam
Respice domine familiam tuam, et praesta, ut apud te mens nostra tuo desiderio fulgeat, quae se carnis maceratione castigat: per.Super oblata. Oblatis quaesumus domine placare muneribus et a cunctis nos defende periculis: per.Ad complendum. Quaesumus omnipotens deus, ut illius salutaris capiamus effectum, cuius per haec mysteria pignus accepimus: per.Super populum. Ascendant ad te domine preces nostrae, et ab ecclesia tua cunctam repelle nequitiam: per. |