Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
41.Feria iiii ad sanctam Mariam maiorem
Preces nostras quaesumus domine clementer exaudi, et contra cuncta nobis aduersantia dexteram tuae maiestatis extende: per.Alia. Deuotionem populi tui domine quaesumus benignus intende, ut qui per abstinentiam macerantur in corpore, per fructum boni operis reficiantur in mente: per.Super oblata. Hostias tibi domine placationis offerimus, ut et delicta nostra miseratus absoluas et nutantia corda tu dirigas: per.Ad complendum. Tui domine perceptione sacramenti et a nostris mundemur occultis et ab hostium liberemur insidiis: per.Super populum. Mentes nostras quaesumus domine lumine tuae claritatis inlustra, ut uidere possimus quae agenda sunt, et quae recta sunt agere ualeamus: per. |