Sacramentarium Gregorianum

_________________________________________________________

75.

Feria iii ad sanctam Priscam

Omnipotens sempiterne deus: da nobis ita dominicae passionis sacramenta peragere, ut indulgentiam percipere mereamur: per.

Super oblata. Sacrificia nos quaesumus domine propensius ista restaurent, quae medicinalibus sunt instituta ieiuniis: per.

Ad completa. Sanctificationibus tuis omnipotens deus et uitia nostra curentur et remedia nobis sempiterna proueniant: per.

Super populum. Tua nos misericordia deus et ab omni subreptione uetustatis expurget et capaces sanctae nouitatis efficiat: per.