B  I  B  L  I  O  T  H  E  C  A    A  U  G  U  S  T  A  N  A
           
  C. Valerius Catullus
ca. 87 - 54 a. Chr. n.
     
   



C a r m e n  L X X I I I

[omnia sunt ingrata.]

_____________________________________


metrum: distichon dactylicum


Desine de quoquam quicquam bene velle mereri
      aut aliquem fieri posse putare pium.
omnia sunt ingrata, nihil fecisse benigne
      <prodest>, immo etiam taedet obestque magis:
5
ut mihi, quem nemo gravius nec acerbius urget,
      quam modo qui me unum atque unicum amicum habuit.