B  I  B  L  I  O  T  H  E  C  A    A  U  G  U  S  T  A  N  A
           
  Leges XII
ca. 450 a. Chr. n.
     
   



T a b u l a   X I I

_____________________________________


[1]  Lege autem introducta est pignoris capio, veluti lege XII tabularum adversus eum, qui hostiam emisset nec pretium redderet ; item adversus eum, qui mercedem non redderet pro eo iumento, quod quis ideo locasset, ut inde pecuniam acceptam in dapem, id est in sacrificium, impenderet (Gaius, 4, 28).

[2a]  si servo furtum faxit noxiamve no<x>it.
(Ulpianus, D. 9, 4, 2, 1)

[2b]  Ex malificiis filiorum familias servorumque . . .  noxales actiones proditae sunt, uti liceret patri dominove aut litis aestimationem sufferre aut noxae dedere . . .  Constitutae sunt . . .  aut legibus aut edicto praetoris: legibus velut furti lege XII tabularum . . .  (Gaius, 4, 75-76).

[3]  si vindiciam falsam tulit, si velit is . . . <prae>tor arbitros tris dato, eorum arbitrio . . . fructus duplione damnum decidito.
(Festus 376)

[4]  Rem, de qua controversia est, prohibemur (lege XII tabularum) in sacrum dedicare: alioquin dupli poenam patimur, . . .  sed duplum utrum fisco an adversario praestandum ist, nihil exprimitur (Gaius, l.VI ad XII tab.; D. 44, 6, 3).

[5]  in XII tabulis legem esse, ut quodcumque postremum populus iussisset, id ius ratumque esset (Livius 7, 17, 12).