Sprüche

___________________________________________________

2.

Cod. Pal. germ. 848, 418v

Universitätsbibliothek Heidelberg

Du hoch gelopter jungelink, vol komender man,

vröu dich der hohen hilfe, diu dir vuegen kan

werltlicher vröuden hort in wernder wunne;

dur liutert gar ir liehte brehender liehter schin,

5

dur vremdet unde virret schamelichen pin

und vueret dich alsam den tak diu sunne.

Waz waer[e] din lip, din werdez leben,

din hoher muot, din unverschertez ellen,

wer künde vröude dir gegeben,

10

wem woldestu lieplichen dich gesellen,

waz waere richeit, hoch gewalt,

vröude berndiu kraft, manlicher muot mit sinnen,

ruom, ere, saelde mannikvalt,

rilicher pris di(n)s reinen herzen minnen,

15

wie künde jugent in tugenden schone und alter werden grise,

und (en)waere(n schoeniu) wip?

der reiner lip

dir ist gegeben ze hilfe gar: darümbe [ir lob] ir leben [ir eren] prise.